Բժիշկ Փորձագետ

Ինչու՞ ընտրել մեզ՝ «ՍԻԼ ԻՆՇՈՒՐԱՆՍ» ԱՓԲԸ-ն իր գործունեությունը ծավալում է ավելի քան 23 տարի և ապահովագրական շուկայում ունի իր կայուն դիրքը։ Ընկերության հաջողության գրավականը մասնագիտական բարձր որակավորում ունեցող անձանցից կազմված թիմն է և թիմի ներսում տիրող դրական մթնոլորտը։ Ընդառաջ գնալով ժամանակի մարտահրավերներին՝ «ՍԻԼ ԻՆՇՈՒՐԱՆՍ» ԱՓԲԸ–ն իր թիմակիցների համար մշտապես ստեղծում է աշխատանքային բարենպաստ պայմաններ՝ ժամանակ առ ժամանակ տարբեր բնույթի բենեֆիթներ տրամադրելով։

Պաշտոնը՝ Բժիշկ փորձագետ -  Ընկերությունը փնտրում է խելացի, բանիմաց, բժշկական բարձր գիտելիքներ, միաժամանակ սովորելու և աճելու ձգտում ունեցող անձի, ով կզբաղեցնի Ընկերությունում առկա բժիշկ փորձագետի թափուր հաստիքը:

Վարչություն՝  Անձնական ապահովագրության հայցերի վարչություն

Տարածաշրջան՝ ՀՀ, ք. Երևան, Արամի 3 և 5

Կրթություն/Որակավորում՝ Օրդինատորի աստիճան, բակալավրի աստիճանը պարտադիր Բուժական գործ, Մ. Հերացու անվան պետական բժշկական համալսարան

Պահանջներ՝

• Microsoft Word Document և Microsoft Excel Worksheet ծրագրերի իմացություն,
• Հայերեն, ռուսերեն, անգլերեն լեզուների իմացություն,
• Թիմում աշխատելու կարողություն,
• Լարված իրավիճակներում արագ կողմնորոշվելու ունակություն,
• Մտքերը գրագետ, հստակ արտահայտելու կարողություն,
• Պատասխանատվության զգացում:

Աշխատանքային գրաֆիկ՝ Լրիվ աշխատանքային օր՝ 09:00-18:00

Պարտականություններ՝ 

• Առողջության ապահովագրության գծով և սոցիալական փաթեթի շահառուների պայմանագրի մասով հայտերի ընդունում, հաճախորդներին մասնագիտական խորհրդատվության տրամադրում,
• Բժշկական հաստատություններից ներկայացված հարցումներում բժշկական նշանակումների ճշգրտության և դրանց՝ արդի չափորոշիչներին համապատասխանության ստուգում,
• Ներկայացված հարցումներին և հայտերին առնչվող փաստաթղթերի փաթեթի ուսումնասիրություն և մասնագիտական եզրակացության տրամադրում, հատուցում տրամադրելու կամ մերժելու  վերաբերյալ որոշման կայացում,
• ԱՊՊԱ անձնական վնասների վերաբերյալ հայտերի ընդունում, կանխավճարների հաստատում բժշկական հաստատություններին, պատճառված անձնական վնասների՝ վթարի հետ պատճառահետևանքային կապի առկայության ստուգում, գնահատում, հատուցում տրամադրելու կամ մերժելու վերաբերյալ որոշումների կայացում,
• Դժբախտ պատահարների ապահովագրության, Աջակցության ապահովագրության գծով ներկայացված հայտերի ընդունում, ուսումնասիրություն, հատուցում տրամադրելու կամ մերժելու  վերաբերյալ որոշումների կայացում,
• Ապահովագրված անձանց հետ՝ բժշկական և ապահովագրական թեմաներով պարբերաբար կազմակերպվող հանդիպումներին մասնակցություն,
• Հաճախորդների բուժսպասարկման արդյունավետությունը բարձրացնելու հետ կապված աշխատանքների իրականացում, անհրաժեշտ փոփոխությունների նախաձեռնություն,
• Անմիջական ղեկավարի կողմից տրված այլ հանձնարարությունների կատարում:

Ընտրելով մեզ ի՞նչ արտոնություններ և հնարավորություններ կստանաք Դուք․

• Առողջության ապահովագրության փաթեթ,
• Ընտանիքի անդամներին ապահովագրելու հնարավորություն,
• Տարեկան տրամադրվող վարձատրվող Day off–երի և Time off-երի հնարավորություն,
• Ընկերության կողմից սպասարկվող Visa Classic քարտ,
• Ծննդյան և նախատոնական օրերին աշխատանքը շուտ ավարտելու հնարավորություն,
• Ընկերության ներսում դասընթացների կազմակերպում, մասնագիտական փորձի փոխանակման մշակույթի առկայություն,
• Պարբերաբար թիմի որակավորման բարձրացմանն ուղղված սեմինարների կազմակերպում,
• Սոցիալ–մշակութային բնույթի միջոցառումների, թիմային հավաքույթների, կորպորատիվների կազմակերպում։

Անհրաժեշտ փաստաթղթեր և դիմելու կարգը՝

Եթե համապատասխանում եք մեր պահանջներին և ցանկանում եք համագործակցել մեզ հետ, կարող եք Ձեր ինքնակենսագրականն ուղարկել [email protected] էլեկտրոնային հասցեին (թեմա դաշտում պարտադիր նշել պաշտոնի անվանումը):

Վերջնաժամկետ՝ 23.11.2023թ.: